Ink in my pen-klub

Waar skrywers die ondersteuning kry wat hulle nodig het om te skryf, te groei en te publiseer.

Vergeet van die idee dat ’n skrywer eensaam en alleen vir sy kuns moet wroeg. Die Ink in my pen-klub is gestig om skrywers te help skryf binne die ondersteuning van ’n gemeenskap. As Ink in my pen-klublid leer jy voortdurend nuwe vaardighede, ontwikkel jou skryftalent en groei as skrywer. Jy maak vriende wat jou liefde vir boeke en skryf deel, en kuier saam met gevestigde skrywers. Alles onder die leiding van ’n ervare manuskripontwikkelaar en redakteur.

Wat kry jy as klublid?

'n Leer saam-sessie (elke tweede Maandag om 19:00) waarin jy 'n vingeroefening doen en Madri jou help met die tegniese aspekte van skryf, genres, struktuur, publikasie, bemarking en meer. Vra in hierdie sessie raad as jy sukkel of vashaak met jou storie.
'n Skryf saam-sessie (elke Donderdag om 20:00) sodat jy geen verskoning het om nie te skryf nie; jy werk in stilte aanlyn saam met ander deelnemers.
Boekklub (elke laaste Maandag van die maand om 20:00) waar ons kuier saam met bekende skrywers en gesels oor die skryfkuns en boeke.
Toegang tot webinare en aanlyngesprekke met skrywers sodat jy jou eie skryfkuns kan verbeter.
Toegang tot 'n forum waar jy hulpbronne en nuus met klublede deel, vrae oor die skryfproses vra en terugvoer op jou skryfwerk kry.
Toegang tot die video-opnames van al die vorige Leer saam-gesprekke en boekklub-kuiers met skrywers.
Hulp om haalbare mikpunte te skep en jouself gemotiveerd te hou.
Raad oor publikasie, bemarking en jou outeursplatform.
Maandelikse terugvoer op jou skryfwerk.
Geleentheid om maandeliks jou kortverhale op die Ink in my pen-blog te publiseer.
Toegang tot alle ander Ink in my pen-kursusse of webinare.
20 % afslag indien jy verdere manuskripontwikkeling saam met Madri wil doen (dit sluit 'n breedvoerige lesersverslag en 'n aanlyn konsultasie in).

Kortom, klublede skryf gereeld (geen tyd vir skrywersblok nie), kry terugvoer, leer by mekaar en gevestigde skrywers, en motiveer mekaar. Ons sorg dat die ink in jou pen vloei.

Wat kos jou lidmaatskap?

Lidmaatskap kos R2 000 per maand. Sluit aan vir 'n minimum van twee maande, daarna kan jy enige tyd jou lidmaatskap kanselleer.

Waarvoor wag jy?

Nog nie seker nie? Kyk gerus wat sê ander klublede.

Best Value

Ink in my pen-klub (een maand)

ZAR 2,000

2,000

Dit gee jou toegang vir 'n maand

Elana Brand

“Madri het die vermoë om die goud uit jou skryfwerk te haal en jou dan aan te moedig om daarop te bou. Sonder haar sou ek nooit my potensiaal kon bereik nie."

Carla Pattison

“As jy wil skryf, kry die regte ink in jou pen. Die skryfgroep is 'n wonderlike plek van ondersteuning, bemoediging en 'cheerleaders'. Verdere ontwikkeling en die skuif van grense in jou skryfwerk is van die redes waarom ek dit so geniet.”

Marinda Roos

“Ons deel wenke, grappe, idees, onderwerpe, lag, vertroue, bekommernisse en talente. Ons bou en ondersteun mekaar. Sonder die skryfgroep sou ek nooit my manuskrip kon klaarmaak of instuur nie.”